Сёння на Петрыкаўшчыне, як і ва ўсіх рэгіёнах рэспублікі, праходзіць адзіны дзень інфармавання па тэме “Забеспячэнне бяспекі жыццядзейнасці: ад кібератак да правіл на дарогах”. Інфармацыйна-прапагандысцкая група на чале старшыні Петрыкаўскага райвыканкама Яўгенія Шкробата сустрэлася з калектывам Петрыкаўскага лясгасу.
У пачатку сустрэчы галоўны спецыяліст аддзела ідэалагічнай работы і па справах моладзі Крысціна Браім нагадала прысутным пра тое, што адной з найважнейшых дзяржаўных задач з’яўляецца сістэмная работа па фарміраванні культуры бяспекі жыццядзейнасці насельніцтва.
Перад прысутнымі выступіў намеснік начальніка АУС па ідэалагічнай рабоце і кадравым забеспячэнні Яўгеній Моўка. Прадстаўнік праваахоўных органаў нагадаў, як пабудаваць асабістую сістэму бяспекі без лішняга страху, абапіраючыся на логіку і адказнасць. Як адрозніць рэальную лічбавую пагрозу ад ашуканскай схемы.
– У сучасным высокатэхналагічным свеце, калі кіберзлачынцы распрацоўваюць усё больш вытанчаныя і складаныя метады атак, бяспека чалавека набывае асаблівую значнасць. Сучаснае махлярства – гэта ўжо не толькі гісторыя пра пажылога чалавека, якому патэлефанавалі па тэлефоне. Гэта праблема, з якой сутыкаюцца людзі розных узростаў, розных прафесій, з розным, часам вельмі высокім, узроўнем адукацыі і розным вопытам карыстання Інтэрнэтам, – адзначыў выступоўца. Таксама супрацоўнікам РАУС была звернута ўвага на неабходнасць выканання правіл дарожнага руху, пільнасць пры праездзе па лясных дарогах дзеля папярэджання сутыкненняў з жывёламі, пры перасячэнні пешаходных пераходаў, а таксама на правілы перавозкі дзяцей і захаванне хуткаснага рэжыму.
