Галоўнай тэмай сустрэчы стала забеспячэнне бяспекі жыццядзейнасці — ад прафілактыкі кібератак да захавання правілаў дарожнага руху. Гэтыя пытанні сёння з’яўляюцца надзвычай актуальнымі, яны датычацца кожнага грамадзяніна, таму знаходзяцца пад пільнай увагай дзяржаўных органаў.
Звяртаючыся да прысутных, Дзмітрый Васільевіч падкрэсліў важнасць асабістай адказнасці кожнага:
— Фундамент бяспекі мы закладваем кожны дзень — сваімі паводзінамі, сваёй уважлівасцю і сваёй адказнасцю. Як адзначыў наш Прэзідэнт: «Мір і бяспека — элементарныя рэчы, якія проста абавязаны быць у жыцці кожнага дзіцяці». Беражыце сябе і сваіх блізкіх. Бо кожны з вас — гэта часцінка нашай вялікай беларускай сям’і, нашай будучыні.
Намеснік старшыні Петрыкаўскага райвыканкама Наталля Ходзька ў сваім выступленні прывяла прыклады здарэнняў, якія адбыліся ў Гомельскай вобласці, і акцэнтавала ўвагу на тым, што бяспека людзей — гэта безумоўны прыярытэт, які патрабуе пастаяннага кантролю і дысцыпліны.
Тэму пажарнай бяспекі падрабязна асвятліў намеснік начальніка Петрыкаўскага раённага аддзела па надзвычайных сітуацыях Васілий Міцура. Ён нагадаў прысутным аб асноўных правілах паводзін у побыце і на працоўным месцы, якія дапамагаюць пазбегнуць трагедый.
Сустрэча прайшла ў фармаце канструктыўнага дыялогу, дзе кожны ўдзельнік змог атрымаць кампетэнтныя адказы на хвалюючыя пытанні.
Оставить комментарий