Энергія жыцця і мудрасць пакаленняў

0
393

У рамках рабочага візіту на Петрыкаўшчыну адбылася сустрэча дэпутата Палаты прадстаўнікоў Нацыянальнага сходу Рэспублікі Беларусь Святланы Сянько з валанцёрамі аб’яднання «Сярэбраны ўзрост».

Гэтыя людзі — сапраўдны прыклад аптымізму і актыўнай жыццёвай пазіцыі. Падчас сустрэчы ўдзельнікі аб’яднання з вялікім задавальненнем дзяліліся сваімі думкамі, прапановамі і, вядома ж, багатым жыццёвым досведам.

Яны расказалі пра свае шматлікія захапленні, пра тое, як насычана і цікава бавяць час у сценах цэнтра, знаходзячы тут аднадумцаў і падтрымку. Адкрытая размова дазволіла пачуць прапановы, якія датычацца развіцця сацыяльнай сферы і паляпшэння якасці жыцця ў рэгіёне.

Атмасфера сустрэчы была па-сапраўднаму ўтульнай і сямейнай. Упрыгожаннем мерапрыемства сталі музычныя нумары, падрыхтаваныя валанцёрамі цэнтра.

Меладычныя песні і шчырыя выступленні падарылі ўсім прысутным выдатны настрой і зарад бадзёрасці.

0 0 голоса
Рейтинг статьи
Подписаться
Уведомить о
guest
0 комментариев
Старые
Новые Популярные