Падзеі Вялікай Айчыннай вайны для жыхароў нашай краіны не маюць срока даўнасці. Яны жывуць у сэрцах кожнага беларуса. Першыя гадзіны, дні, месяцы вайны – гэта тое, што стала адпраўной кропкай цяжкіх выпрабаванняў, якія леглі не толькі на плечы вайскоўцаў, але і мірных жыхароў: старых, дзяцей, жанчын. Гэта нельга забыць, гэта неабходна памятаць.
Маштабная перасоўная гісторыка-патрыятычная выстава “85 гадоў подзвігу”, прысвечаная абаронцам і абарончым баям 1941 года на Гомельшчыне, стартавала ў маі 2026 года ў Гомельскім абласным грамадска-культурным цэнтры і крочыць па раёнах вобласці, з’яўляючыся напамінам пра 1941 год.
Напрыканцы ліпеня экспазіцыя прыбыла на Петрыкаўшчыну і кожны жыхар раёна на працягу тыдня мог яе наведаць у Петрыкаўскім краязнаўчым музеі. Выстава “85 гадоў подзвігу” ўключае рэдкія артэфакты і архіўныя матэрыялы. Гэта не проста гістарычна-даведачны матэрыял – гэта кавалачак агульнай гісторыі. Унікальныя музейныя прадметы, асаблівасці ваеннага быту, стэнды і макеты дамоў з партрэтамі-мураламі.
Яшчэ адна адметная асаблівасць – спецыяльны гукавы модуль з гукамі і песнямі ваенных часоў. Вы нібыта пераступаеце небачную мяжу і апынаецеся ў далёкім 1941 годзе.
Экспазіцыя стала знакавым мерапрыемствам для Петрыкаўшчыны, якое дазволіла адчуць падзеі, якія адбываліся 85 гадоў таму.
Наведаць экспазіцыю прыходзілі цэлымі калектывамі, каб не толькі ўбачыць на свае вочы выставу, але і абмеркаваць з калегамі тыя жахлівыя падзеі вераломнага нападу гітлераўскай Германіі на нашу краіну. Супрацоўнікі РАНС і ЖКГ, ЦРБ і ПМС, упраўлення па працы, занятасці і сацыяльнай абароне, фармацэўты, газавікі і прадстаўнікі іншых арганізацыій і ўстаноў, і, зразумела, юныя петрыкаўчане – кожны для сябе адкрываў новыя гераічныя і трагічныя факты лета 41-га года.
Такія экспазіцыі дазваляюць нам не толькі памятаць, але і ўявіць
ваенные падзеі, зразумець усю веліч подзвігу, які здзейсніў беларускі народ.
Надзея СІГАЙ,
фота з архіва
сектара культуры.
Оставить комментарий