Петрыкаўскі ваенны камісарыят працягвае планавыя мерапрыемствы па зверцы дадзеных ваеннаабавязаных.
Як адзначыў ваенны камісар раёна Аляксандр Адамоўскі, працэдура гэта займае не шмат часу: “Калі некаторыя грамадзяне яшчэ не прайшлі працэдуру, просім іх прыбыць у ваенкамат для зверкі ўліковых дадзеных. Разумею, што вяскоўцы далёка не кожны дзень наведваюць райцэнтр, таму звярнуцца да спецыялістаў можна ў выхадныя дні з 8:30 да 19 гадзін”.
Зверку ўліковых дадзеных у ваенкамаце праходзіў Іван Піскун, які адзначыў: “Мерапрыемства заняло не больш за 7 хвілін. Ды і колькі трэба часу каб адказаць на некалькі простых пытанняў, што тычацца вайсковага звання, месца службы, адукацыі, месца жыхарства, сямейнага становішча і кантактных нумароў тэлефона. Магу зазначыць, што хвалявацца не трэба, лепей адразу зверыць дадзеныя, каб не адкладваць гэтую справу на будучыню”.
Арцём ГУСЕЎ. Фота аўтара.
Оставить комментарий