Сёння начальнік аддзела ЗАГС Ганна Туравец сустрэлася з вучнямі гімназіі горада Петрыкава, каб распавесці, якім чынам арганізавана праца органаў ЗАГС, пра тое, якую ролю ён адыгрывае ў жыцці кожнага чалавека, бо менавіта тут рэгіструюцца найважнейшыя падзеі. Галоўнай мэтай такіх сустрэч з’яўляецца фармаванне ў моладзі пазітыўнага і адказнага стаўлення да сямейнага жыцця і знаёмства з дзейнасцю органаў ЗАГС.
«За 4 месяцы бягучага года ў горадзе ўступілі ў шлюб 28 пар з горада і 8 пар з раёна, з іх грамадзяне іншай краіны: жаніх грамадзянін Арменіі і адзін Расіі, — падзялілася Ганна Туравец. — За 2022 год у раёне нарадзілася 209 дзяцей, таксама была народжаная 1 двойня, трэцяе дзіця нарадзілася ў 44 сем’ях, 4 дзіця — у 20 сем’ях, 5 — у 7 сем’ях і 6 — у 8 сем’ях».
Наталля ПЕТРУШЭНКА, фота аўтара.
Оставить комментарий