Сёння ў гарадскім парку каля помніка воінам-вызваліцелям сабраліся прадстаўнікі грамадскіх арганізацый Петрыкаўшчыны, каб ва ўрачыстай абстаноўцы далучыцца да Усебеларускай патрыятычнай акцыі “Мы – грамадзяне Беларусі”, прысвечанай Дню Канстытуцыі Рэспублікі Беларусь.
Акцыя прадугледжвае шэраг мерапрыемстваў.
Адно з іх – урачысты прыём ў рады грамадскіх аб’яднанняў: ГА «БРПА», ГА «БРСМ», РГА «Белая Русь», Беларускай партыі «Белая Русь».
На сённяшні дзень БРПА ў нашым раёне налічвае ў сваіх шэрагах 1946 актыўных, ініцыятыўных, крэатыўных і таленавітых дзяцей, рухаючай сілай якіх зʼяўляецца дэвіз «Да справы на карысць Радзімы, да дабра і справядлівасці гатовы!».
Атрымліваючы піянерскі гальштук, яны прымалі на сябе абавязацельствы быць сумленнымі, добрымі, справядлівымі, імкнуцца да ведаў і дапамагаць тым, хто мае патрэбу.
На ўрачыстым мерапрыемстве ў шэрагі піянераў уступілі 20 навучэнцаў са школ раёна, у акцябраты былі прыняты таксама 20 хлопчыкаў і дзяўчынак.
Наступнымі шэрагі папоўнілі актывісты ГА “БРСМ”.
Вучні, якія развіталіся з піянерскім гальштукам з гонарам атрымалі значкі самай масавай маладзёжнай арганізацыі Рэспублікі Беларусь, якая аб’ядноўвае найбольш актыўных прадстаўнікоў новага пакалення, тых, хто імкнецца прыкласці свае сілы і здольнасці, каб зрабіць цікавей, ярчэй, асэнсаваней уласнае жыццё і жыццё сваіх аднагодкаў, а самае галоўнае – сваімі рукамі будаваць маладую Беларусь.
Завяршальным акордам прыёму стала ўступленне ў рады Беларускай партыі “Белая Русь” і Рэспубліканскага грамадскага аб’яднання “Белая Русь” грамадзян Петрыкаўшчыны, якія гатовыя актыўна ўдзельнічаць у жыцці грамадства, падтрымліваць дзяржаўныя ініцыятывы і садзейнічаць умацаванню адзінства і стабільнасці ў краіне.
Уступаючы ў рады грамадскіх арганізацый, жыхары Петрыкаўшчыны дэманструе сваё разуменне важнасці гэтых асноў і гатоўнасць іх абараняць і ўмацоўваць.
Віншуем удзельнікаў з такой знамянальнай падзеяй! Жадаем быць годнымі грамадзянамі сваёй краіны
Оставить комментарий