Сёння ў Вялікіх Сялюцічах каля брацкай магілы ахвярам фашызму прайшоў мітынг-рэквіем «Не забудзем ніколі»

22 сакавіка — трагічная дата для кожнага беларуса.У гэты дзень мы ўзгадваем усіх, хто стаў ахвярай злачынстваў супраць беларускага народа.

Трагічны лёс Хатыні ў перыяд Вялікай Айчыннай вайны паўтарылі сем населеных пунктаў Петрыкаўшчыны.Адзін з іх — вёска Вялікія Сялюцічы Грабаўскага Савета.18 лістапада 1942 года фашысты спалілі жыўцом 364 чалавекі.Спалілі і вёску. З 220-ці дамоў засталося каля 20. Сёння ў Вялікіх Сялюцічах каля брацкай магілы ахвярам фашызму прайшоў мітынг-рэквіем «Не забудзем ніколі», удзел у якім прыняў старшыня раённага Савета дэпутатаў Віталій Пілер. Прысутныя дэпутаты раённага, мясцовых Саветаў дэпутатаў, прадстаўнікі працоўных калектываў Савета, вучні школ усклалі кветкі да помніка.

— Усё больш і больш аддаляе нас час ад падзей Вялікай Айчыннай вайны, але смутак аб мільёнах бязвінных ахвяр застаюцца ў свядомасці людзей старэйшага пакалення, захоўваюцца ў памяці іх дзяцей, унукаў і праўнукаў, — адзначыў Віталій Пілер.