Сёння ў аддзяленні паштовай сувязі №2 Петрыкава праходзіць Дзень падпісчыка!

Сёння ў аддзяленні паштовай сувязі №2 Петрыкава пануе асаблівая атмасфера – тут праходзіць Дзень падпісчыка!
Мерапрыемства — цудоўная магчымасць для кожнага жыхара горада не толькі аформіць падпіску на любімыя выданні, але і пагутарыць з карэспандэнтамі «Петрыкаўскіх навін» .
І гэта яшчэ не ўсё! Дзень падпісчыка – гэта шанец стаць удзельнікам цікавага розыгрышу прызоў ад рэдакцыі! Уявіце сабе: вы прыходзіце аформіць газету, а сыходзіце з прыемным падарункам ад выдання.
Калектыў рэдакцыі «Петрыкаўскіх навін» выказвае словы падзякі кожнаму з падпісчыкаў! Дзякуй тым, хто з намі гадамі, хто ўжо паспеў палюбіць старонкі «ПН» і давярае нам. І, вядома ж, асобны дзякуй тым, хто толькі адкрывае для сябе свет «Петрыкаўскіх навін».