Дэпутат Палаты прадстаўнікоў Нацыянальнага сходу Рэспублікі Беларусь Святлана Сянько наведала крамы города Петрыкава розных форм уласнасці.
У першую чаргу Святлана Уладзіміраўна азнаёмілася з асартыментам, цікавілася наяўнасцю тавараў беларускай вытворчасці, які працэнт складаюць нашы тавары ў агульным таваразвароце гандлёвых кропак, а таксама пра тое, наколькі запатрабаваны беларускія тавары.
Адзначыла Святлана Уладзіміраўна станоўчыя змены: «З’яўляюцца новыя крамы і гэта прыемна, чалавек можа выбраць адзенне па густу і па кошту — якаснае і прыгожае. Адчуваецца, што горад развіваецца ў гэтым плане.»
Парламентарый пагутарыла з пакупнікамі, прадаўцамі і ўладальнікамі. З пакупнікамі размова ішла пра наяўнасць тых ці іншых тавараў, якасць прадстаўленых вырабаў, даступнасць іх набыцця.
З прадаўцамі і ўладальнікамі абмяркоўваліся пытанні развіцця гандлю. Дэпутат цікавілася вытворцамі, з якімі працуюць крамы, планамі на перспектыву.
Таксама ў цэнтры ўвагі дэпутата быў кошт тавараў першай неабходнасці, гародніны, садавіны.
Оставить комментарий