Ва ўмовах, калі стыхія абвальваецца з нябачанай сілай, а чалавечыя жыцці і інфраструктура аказваюцца пад пагрозай, салідарнасць і ўзаемадапамога становяцца не проста словамі, а жыццёва важнымі дзеяннямі.
Менавіта ў такі момант Рэспубліка Беларусь, прытрымліваючыся даручэння Прэзідэнта краіны, дэманструе сваю гатоўнасць прыйсці на дапамогу. Аляксандр Лукашэнка прыняў рашэнне аб аказанні гуманітарнай дапамогі В’етнаму ў адказ на просьбу афіцыйнага Ханоя аб садзеянні ў ліквідацыі наступстваў серыі маштабных стыхійных бедстваў, якія ў мінулым годзе абрынуліся на краіну і прывялі да шматлікіх ахвяр і разбурэнняў.
Урадам даручана Міністэрству па надзвычайных сітуацыях з зацікаўленымі сфарміраваць гуманітарны груз з таварамі беларускай вытворчасці: больш за пяць тысяч тон малака суцэльнага згушчанага з цукрам, дзесяць тон цукру, паўтары тысячы коўдраў, больш за сем тысяч пакрывалаў, дзве тысячы камплектаў пасцельных прыналежнасцяў.
У 2025 годзе беларускія выратавальнікі даставілі гуманітарную дапамогу ў Кенію, Кубу, М’янму, Таджыкістан. Усяго за час сваёй гуманітарнай дзейнасці МНС Беларусі падтрымала 35 дзяржаў.
Такое рашэнне – праява глыбокай чалавечнасці і адказнасці. Яно адлюстроўвае імкненне нашай краіны да ўмацавання дружалюбных адносін і аказання рэальнай падтрымкі краінам, якія апынуліся ў бядзе. Гэты жэст добрай волі падкрэслівае, што ў сучасным свеце, поўным выклікаў, узаемадапамога і салідарнасць з’яўляюцца асноватворнымі прынцыпамі, на якіх будуецца ўстойлівая і бяспечная будучыня.
Святлана СОБАЛЕВА.
Оставить комментарий