Шчыра віншуем вас з Днём пажылых людзей – святам мудрасці, вопыту і душэўнай шчодрасці!
Гэты дзень – цудоўная нагода выказаць вам глыбокую павагу і бязмежную ўдзячнасць за шматгадовую сумленную працу, патрыятызм і важкі ўклад у развіццё і працвітанне раёна. Менавіта вашымі рукамі, розумам і талентам стваралася тое багацце, якім мы ганарымся сёння. Ваша жыццё – гэта сапраўдны прыклад стойкасці, маральнай сілы і вернасці свайму абавязку перад Айчынай.
Сучаснае старэйшае пакаленне Петрыкаўшчыны дэманструе выдатны прыклад актыўнага даўгалецця. Мы ганарымся тым, што, выходзячы на заслужаны адпачынак, вы застаяцеся ў гушчы грамадскага жыцця: удзельнічаеце ў творчых і спартыўных мерапрыемствах, займаецеся валанцёрствам, захоўваеце культурную спадчыну. Асаблівая падзяка вам за патрыятычнае выхаванне моладзі – ваш мудры жыццёвы напамін дапамагае маладым людзям цаніць мір, незалежнасць і спакой на нашай зямлі.
Жадаем вам моцнага здароўя, невычэрпнай энергіі, бадзёрасці духу і актыўнага даўгалецця на доўгія гады! Няхай кожны дзень будзе сагрэты ўвагай, клопатам і любоўю вашых дзяцей, унукаў і блізкіх. Няхай у вашых дамах заўсёды пануюць утульнасць, мір, дабрабыт і згода!
Яўгеній ШКРОБАТ, старшыня раённага выканаўчага камітэта
Віталій ПІЛЕР, старшыня раённага Савета дэпутатаў
