У чэрвені бягучага года жыхары вуліцы Каралёва атрымалі доўгачаканы падарунак – у двары адкрылася новая дзіцячая пляцоўка. Яркія арэлі, горкі і зручныя лавачкі адразу зрабілі месца цэнтрам прыцягнення для дзятвы. Аднак радасць бацькоў азмрочваецца адным небяспечным нюансам.
Справа ў тым, што практычна ў цэнтры гульнявой зоны застаўся пень ад спілаванага дрэва.
“Пляцоўка выдатная, мы вельмі ўдзячныя за яе ўладкаванне, – дзеліцца сваімі думкамі адна з мясцовых жыхарак. – Але гэты пень – сапраўдная пастка. Дзеці бегаюць, гуляюць у даганялкі, не заўважаюць яго пад нагамі. Ужо было некалькі выпадкаў, калі малыя спатыкаліся і падалі. Гэта проста пытанне часу, калі нехта сур’ёзна траўміруецца”.
Спадзяёмся, што адказныя службы звернуць увагу на гэтую праблему і аператыўна ліквідуюць перашкоду.
Святлана СОБАЛЕВА, фота аўтара.
Оставить комментарий