«Народная зарадка» ў Петрыкаве

Яркай і дынамічнай падзеяй тыдня моладзі стала спартыўная акцыя «Народная зарадка», якая разгарнулася на стадыёне горада Петрыкава.

Гэта падзея аб’яднала моладзь, дзяцей і прадстаўнікоў працоўных калектываў. Петрыкаўскі раённы выканаўчы камітэт таксама прыняў удзел у гэтым мерапрыемстве.

У адзіным спартыўным парыве, актыўна і пазітыўна правялі гэту раніцу петрыкаўчане, даказаўшы, што энергія маладосці не ведае межаў і аб’ядноўвае не толькі моладзь, але і працоўныя калектывы Петрыкаўшчыны.

Пад рытмічную музыку і каментарыі трэнера стадыён запоўніўся рухам і ўсмешкамі.

Удзельнікі зарадкі не проста выканалі комплекс практыкаванняў — яны атрымалі наймагутны зарад бадзёрасці і пазітыву на ўвесь дзень.

Мерапрыемства стала нагляднай дэманстрацыяй таго, што здаровы лад жыцця — гэта не проста трэнд, а свядомы выбар сучаснай моладзі.