Петрыкаўскае рудаўпраўленне ААТ «Беларуськалій» сёння прымае эстафету агню, прысвечаную 105-годдзю Беларускага нацыянальнага тэхнічнага ўніверсітэта.
Мерапрыемства, па словах дэкана факультэта горнай справы і інжынернай экалогіі Андрэя Калагрыўка, увасабляе непарыўную сувязь ВНУ — кузні кадраў і флагмана калійнай прамысловасці.
Удзел у сустрэчы бяруць генеральны дырэктар ААТ «Беларуськалій» Андрэй Рыбакоў, дэкан факультэта горнай справы і інжынернай экалогіі БНТУ Андрэй Калагрыўка, дырэктар Петрыкаўскага рудаўпраўлення Юрый Пятроўскі, выкладчыкі і студэнты БНТУ.
Дэлегацыю сустрэлі з памятнымі падарункамі. І гэта далёка не ўсё, удзельнікаў мерапрыемства чакае пагружэнне (у прамым і пераносным сэнсе) ў прафесію.
