Акцыя “Ад усёй душы”: радасць і падтрымка для тых, хто побач

У рамках акцыі “Ад усёй душы” ў Капаткевіцкім пансіянаце “Палессе” адбылося сапраўднае свята, напоўненае не толькі цёплымі словамі віншавання і шчырай падзякай, але і падарункамі, што стала сведчаннем таго, як важна праяўляць увагу і падтрымку тым, хто ў гэтым мае патрэбу.

Дэпутат Палаты прадстаўнікоў Нацыянальнага сходу Рэспублікі Беларусь Святлана Сянько сумесна з Петрыкаўскім раённым аддзяленнем Гомельскай вобласці Беларускай партыі “Белая Русь” уручылі падарунак установе, для заняткаў творчасцю. Акрамя таго, старшыня Гомельскай абласной арганізацыі Беларускага прафсаюза работнікаў дзяржаўных і другіх устаноў Аляксандр Матарас уручыў сертыфікат на набыццё неабходнага.

Аднак, свята не абмяжоўвалася толькі афіцыйнымі ўручэннямі. Для ўсіх прысутных вучні Капаткевіцкай школы і работнікі пансіяната падрыхтавалі яркую і душэўную святочную праграму.

Гледачы з энтузіязмам падтрымлівалі кожнага выступоўцу. Дружныя апладысменты і шчырыя ўсмешкі сталі лепшым пацвярджэннем таго, наколькі цепла і з разуменнем была ўспрынята кожная песня, кожны танец, кожны верш. Атмасфера свята была напоўнена пазітывам, радасцю і адчуваннем еднасці.

Акцыя “Ад усёй душы” ў Капаткевічах яшчэ раз даказала, што дабрыня, увага і падтрымка могуць ствараць сапраўдныя цуды, аб’ядноўваючы людзей і робячы свет крыху лепшым. Такія мерапрыемствы натхняюць і напамінаюць пра важнасць узаемнай падтрымкі і клопату адзін пра аднаго.