Пытанні навядзення парадку на зямлі ў летні перыяд асабліва актуальныя: калі як не цяпер адрамантаваць і падфартаваць лядашчыя агароджы, дзяцячыя пляцоўкі і малыя архітэктурныя формы, прывесці ў парадак дарогі і прыпыначныя пункты.
Нямала важных задач стаіць перад адказнымі службамі ў гэты перыяд.
Да ліку надзённых і актуальных варта аднесці няхай сабе і сезонную, аднак не менш важную тэму – пакос пустазельнай расліннасці. Тым больш? што пытанняў па своечасовым яе выдаленні з нашых вуліц, сквераў, двароў шматпавярховак хапае.
Аб’ект, які днямі трапіў на вочы нашаму карэспандэнту – трансфарматарная падстанцыя, што знаходзіцца насупраць кацельні па вуліцы Каралёва. Як відаць з фотаздымка, касцы даўно не наведваліся сюды. Мяркуем, што згаданая пабудова выпадковы выпала з поля зроку адказных службаў і ўжо ў бліжэйшы час парадак будзе наведзены.
В. МІКАЛАЕВА. Фота аўтара.
Оставить комментарий