На адрас рэдакцыі паступіў тэлефонны званок ад жыхароў згаданай вуліцы. Землякоў хвалюе нездавальняючы стан дарожнага пакрыцця.
Так, на вуліцы Пясочнай мясцовыя жыхары грэйдзера даўно не бачылі. І нават у тыя моманты, калі ён усё ж завітвае па адрасе, якасць праведзеных работ пакідае жадаць лепшага: ямы як былі, так і застаюцца, а ўзровень узбочыны ўжо вышэйшы за саму дарогу. Таму і даводзіцца землякам пасля ападкаў “ратаваць” вуліцу дзедаўскім спосабам: капаць раўчукі і спускаць ваду ў канаву. Дарэчы, пра канаву – яна таксама мае патрэбу ў добраўпарадкаванні: заросшая хмызняком і пустазеллем яна даўно не бачыла касы і трымера.
Спадзяемся, у бліжэйшы час парадак на Пясочнай і ўздоўж канавы будзе наведзены.
А. МАКСІМАЎ. Фота аўтара.
Оставить комментарий