Петрыкаўская дзіцячая школа мастацтваў ў новым навучальным годзе сустрэне 482 вучня.
Дзень ведаў для вучняў школы мастацтваў прайшоў цікава і творча. Зала сабрала бацькоў, дзяцей, педагогаў.
З уступным словам выступіла загадчык сектара культуры Петрыкаўскага райвыканкама Яна Мамрова:
– Шчыра віншую з Днём ведаў. Першага верасня Петрыкаўская дзіцячая школа мастацтваў зноў адчыняе свае дзверы для сустрэчы з самымі творчымі і таленавітымі дзецьмі. Жадаю ўсім вучням поспехаў у вучобе !
Прыемным момантам для ўсіх дзетак стала узнагароджанне дыпломамі. З радасцю падымаліся вучні на сцэну і атрымлівалі ад дырэктара школы, Святланы Шамолавай і намесніка дырэктара, Таццяны Туравец доўгачаканыя ўзнагароды. Не засталіся без увагі і настаўнікі, якія таксама былі запрошаны на сцэну для атрымання дыпломаў за плённую працу.
Мерапрыемства суправаджалася песнямі дзяцей і настаўнікаў, іграннем на баяне. З захапленнем і гонарам назіралі прысутныя за таленавітымі вучнямі!
Анастасія ФЕЛЬКІНА, фота аўтара.
Оставить комментарий