На бягучым тыдні давялося назіраць незразумелую на першы погляд карціну. Наведвальнікі “Кулінарыі”, што ў цэнтры горада, каб зайсці ў памяшканне грамадскага харчавання ці выйсці з яго рабілі розныя маніпуляцыі. Адны – больш маладыя землякі, каб апынуцца на ганку пераскоквалі прыступкі, другія – перамяшчаліся праз пандус, а была жанчына, якая раскрыла парасон для дасягнення мэты.
Падышоўшы бліжэй, дзеянні землякоў сталі зразумелымі: людзі пазбягалі намокнуць ад вады, якая інтэнсіўна капала з даху навеса. Вада, або кандэнсат – вынік работы кандыцыянера, які размешчаны ў будынку і забяспечвае неабходную тэмпературу ўнутры памяшканняў.
На маю думку, вырашэнне такой сітуацыі павінна быць. А як думаюць адказныя службы, убачым у хуткім часе.
Святлана СОБАЛЕВА, фота аўтара.
Оставить комментарий