Сёння супрацоўнікі пошты наведалі сваю калегу, вязня Вялікай Айчыннай вайны Раісу Галіцкую з нагоды надыходзячых святаў – Дня работнікаў радыё, тэлебачання і сувязі і, канешне, Дня Перамогі.
З шчырымі словамі павагі, падзякі і пажаданнямі моцнага здароўя, дабрабыту, мірнага неба над галавою і доўгіх гадоў жыцця звярнуўся да Раісы Іванаўны старшыня прафсаюзнай пярвічнай арганізацыі Калінкавіцкага РВПС “Белпошта” Уладзімір Васіленка.
Да віншаванняў далучыліся намеснік начальніка Калінкавіцкага рэгіянальнага вузла паштовай сувязі Марына Альховік, інжынер па ахове працы Вольга Раманюк. Цёплыя словы ўдзячнасці за адданасць працы выказала начальнік Петрыкаўскага ўчастку паштовай сувязі Алена Юркавец – Раіса Галіцкая ўсё сваё працоўнае жыццё аддала паштовай службе і мае медаль “За працоўную доблесць”.
Падрабязней пазнаёміцца з біяграфіяй жанчыны вы можаце тут.
Арцём ГУСЕЎ. Фота аўтара.
Оставить комментарий