2 красавіка 1996 года стала важнай датай у жыцці народаў Беларусі і Расіі. Нашы дзяржавы зрабілі свой выбар, у якім залог іх эканамічнай і палітычнай моцы. У абласным грамадска-культурным цэнтры з гэтай нагоды прайшоў урачысты сход і святочны канцэрт.
Наведала мерапрыемства і дэлегацыя Петрыкаўшчыны.
Адкрыў урачыстасць старшыня Гомельскага аблвыканкама Іван Крупко:
– Беларусь і Расія – адзіны народ. У нас агульныя карані, мы прайшлі ліхалецце вайны і выхаваны на адной ідэалогіі, – звярнуўся да ўдзельнікаў губернатар. – У святле таго, як змяняецца геапалітычная сітуацыя, мы павінны захаваць падмурак для развіцця Саюзнай дзяржавы – нашы карані, духоўнасць і маральнасць.
Кіраўнік вобласці падкрэсліў, што толькі за апошнія два гады знешнегандлёвы абарот Гомельскай вобласці з рэгіёнамі Расіі перавысіў 14 мільярдаў долараў. На тэрыторыі паўднёва-ўсходняга рэгіёну Беларусі цяпер зарэгістравана 526 арганізацый з расійскім капіталам, у тым ліку 11 – рэзідэнты СЭЗ “Гомель-Ратон”. Іван Іванавіч адзначыў, што санкцыі аслабляюць толькі тых, хто іх уводзіць. Для нас жа гэта новыя магчымасці супрацоўніцтва, развіцця прамысловасці, навуковага і тэхнічнага патэнцыялу. І пералічваць сумесныя праекты можна бясконца. Тысячы нітак звязваюць беларускія і расійскія прадпрыемствы.
На мерапрыемстве прысутнічала дэлегацыя з Бранскай вобласці Расійскай Федэрацыі. Віншаванні ад губернатара Бранскай вобласці Аляксандра Багамаза ўдзельнікам урачыстага сходу перадаў першы намеснік губернатара Віталій Свінцоў: “Мы непарыўна пераплецены адзіным гістарычным лёсам, блізкасцю моў і культур, хрысціянскімі традыцыямі. У нас агульная Вялікая Перамога ў самай страшнай і кровапралітнай вайне ХХ стагоддзя. Гэты магутны фундамент дазваляе пашыраць эканамічныя сувязі нашых дзяржаў, умацоўваць гуманітарнае і культурнае супрацоўніцтва беларускіх і расійскіх рэгіёнаў”.
У гонар свята была падрыхтавана яркая і запамінальная канцэртная праграма калектываў Гомельскай, Бранскай і Курскай абласцей “Расія і Беларусь – разам назаўсёды”.
Меркаванне ўдзельнікаў мерапрыемства.
Віталій ПІЛЕР, старшыня Петрыкаўскага раённага Савета дэпутатаў:
– Гэтае свята не патрабуе тлумачэння, яно вырасла на нашай гісторыі. Сёння, умацоўваючы гаспадарчыя сувязі і культурныя традыцыі, Беларусь і Расія разам моцна стаяць на нагах, незалежна ад абмежаванняў і санкцый.
Мы ўзаемадзейнічаем па ўсіх напрамках: гэта і прамысловасць, і будаўніцтва, і сельская гаспадарка. Тысячы нітак звязваюць беларускія і расійскія прадпрыемствы. Яшчэ больш трывалыя – брацкія сувязі жыхароў нашых краін.
Суверэнітэт і адзінства, шматвяковае сяброўства Расіі і Беларусі прыносіць плён. У рамках Саюзнай дзяржавы рэалізуецца мноства праграм у прамысловасці, будаўніцтве, асваенні космасу, гандлёва-эканамічнай, навукова-тэхнічнай, гуманітарнай, медыцынскай і іншых сферах.
Паміж Расіяй і Беларуссю даўно ўжо няма межаў і многіх юрыдычных бар’ераў: уведзены спрошчаны парадак атрымання віду на жыхарства, анансаваны роўныя магчымасці на адукацыю і працаўладкаванне.
Гэты дзень – яшчэ і падмурак нашай будучыні. Ён нагадвае, што ў адзінстве наша сіла.
Людміла ЧЫРЫЧ, інжынер аддзела вытворчасці і рэалізацыі прадукцыі Петрыкаўскага лясгасу:
– Мая мама родам з Петрыкаўшчыны, а бацька – з Расіі. Пагэтаму для мяне гэтае свята асабліва блізкае. Згадзіцеся, у нас з расіянамі агульныя радасці, перакананні, каштоўнасці. Значную частку нашага гістарычнага шляху расійскі і беларускі народы ішлі поруч, разам пераадольваючы выпрабаванні.
Гэты цудоўны дзень – яшчэ і падмурак нашай будучыні. Ён нагадвае, што ў адзінстве наша сіла. Сёння кожны згадае свае карані, якімі моцна перапляліся ў беларускай і расійскай зямлі, людзі больш сталага ўзросту ўспомняць часы, калі нашыя народы жылі ў адзінай краіне. Вельмі важна ўсведамляць, што надзейнай падтрымкай для беларусаў выступае расійскі народ, які будзе поруч ва ўсе часы. Разам мы не толькі ідзем наперад і развіваемся, але і падстаўляем плячо адзін аднаму ў цяжкую хвіліну.
Святлана СОБАЛЕВА, фота Гомельскай праўды, аўтара.
Оставить комментарий