У рамках рэспубліканскай акцыі “Моладзь за бяспеку!” супрацоўнікі Петрыкаўскага РАУС сумесна з юнымі выратавальнікамі-пажарнымі аказваюць шэфскую дапамогу адзінокапражываючым пенсіянерам.
Актывісты ўжо наведалі жыхарку райцэнтра Ганну Аляксандраўну, якая пражывае па завулку “Рабочы” і Марыю Рыгораўну, дом якой знаходзіцца па вуліцы Бумажкова.
Жанчынам аказалі дапамогу ва ўборцы прыдамавой тэрыторыі. Прапагандыст Сяргей Шамра правёў гутарку аб бяспечнай эксплуатацыі печы і электрапрыбораў, неабходнасці ўстаноўкі ў домаўладаннях аўтаномнага пажарнага апавяшчальніка. Напрыканцы сустрэчы пенсіянерам уручылі памяткі з карыснай інфармацыяй.
Святлана СОБАЛЕВА,
па інфармацыі РАНС.
Оставить комментарий