У ДУ «Дзіцячы сад № 7» прайшоў Дзень адкрытых дзвярэй

З 1 сакавіка бягучага года ў кожным раёне Беларусі з’явяцца групы для дзяцей да двух гадоў.

У Беларусі высокая даступнасць дашкольнай адукацыі: у 2025 годзе 90,1 працэнта дзяцей ад 1 года да 6 гадоў ахоплены адукацыйнымі паслугамі. Але ўжо ў бліжэйшы час ахоп будзе пашыраны: згодна Дзяржаўных праграмам “Развіццё дэмаграфічнага патэнцыялу” на 2026– 2030 гады, “Беларусь інтэлектуальная” на 2026–2030 гады з 1 сакавіка ў кожным раёне краіны пачнуць функцыянаваць групы для дзяцей да двух гадоў.

З гэтай мэтай у дзіцячым саду № 7 горада Петрыкава прайшоў Дзень адкрытых дзвярэй.

Наведванне ўстановы стала для бацькоў выдатнай магчымасцю пазнаёміцца з адукацыйнымі праграмамі , умовамі навучання і магчымасцямі развіцця дзяцей дашкольнага ўзросту.

Перад прысутнымі выступіла загадчык дзіцячага садка Галіна Каса, метадыст раённага вучэбна-метадычнага кабінета Алена Нікешына. Было пазначана: у дзіцячых садах горада была раней і застаецца магчымасць прынімаць дзяцей да двух гадоў. Размова ідзе пра тое, што у садку № 7 плануецца адкрыць групу толькі для дзяўчынак і хлопчыкаў дадзенага ўзросту.

Экскурсія па ўстанове, адкрыты дыялог, творчыя выступленні выхаванцаў – усё гэта спрыяла для раскрыцця магчымасцей установы адукацыі.
Матэрыял адсочвацце на старонках «ПН», у нашых сацыяльных сетках.