Веснавое добраўпарадкаванне крочыць па Петрыкаўшчыне. Дзякуючы ранняй і сухой вясне, ёсць магчымасць “дайсці”, што называецца, да кожнага праблемнага моманта, да кожнага куточка, які чакае неабыякавага земляка ці руплівага гаспадара.
Аднак менавіта да гаспадароў, як паказвае жыццё, часам ёсць пытанні.
Так, па вуліцы Пушкіна, побач з крамай “Аўтазапчасткі”, амаль месяц ляжыць сметніца (на фота). Думалася, пацяплее і гаспадар, зацікаўлены ў парадку на прылягаючай тэрыторыі, сітуацыю паправіць. Аднак час ідзе, а сметніца ляжыць.
Спадзяемся, пасля нашай публікацыі сметніца прыме вертыкальнае становішча, а мінакі і наведвальнікі крамы змогуць скарыстацца ёю па прызначэнні.
В. МІКАЛАЕВА, фота аўтара.
Оставить комментарий