Днямі завіталі ў Капаткевічы, дзе натрапілі на вуліцы Камсамольскай на пахіленую тэлекамунікацыйную шафу.
Блакітная металічная “скрыначка” на ножках, якая знаходзіцца каля дамаўладання №29, здаецца, стамілася і прыхілілася да агароджы.
Такі “паўляжачы” стан шафа мае ўжо пэўны час. А супрацоўнікі Белтэлекама, напэўна, ці то не завітвалі на гэту вуліцу, ці то не заўважылі непарадку. Верагодна, што нахіленае становішча шафы і не ўплывае на якасці сувязі, але ж абсталяванне павінна знаходзіцца ў належным стане.
Звяртаемся да адказных службаў: час паправіць шафу, пакуль яна не прылегла на глебу канчаткова.
Т.Міхалава, фота аўтара.
