У мінулы раз, паважаныя чытачы, мы дзяліліся старым здымкам, што адлюстроўваў культурнае жыццё Петрыкаўшчыны некалькі дзясяткаў гадоў таму. На гэты раз мы прапануем вам выяву рэтраспектывы жыцця спартыўнага.
Падобных фотакартак у нашым выданні канца 80-х гадоў даволі шмат. Але часцей за іншых футбалістаў сустракаюцца спартсмены з чалюшчавіцкай дружыны. Яно і не дзіва, у гэтыя часы футбол у Чалюшчавічах быў надзвычай папулярным, а ў 1986-м годзе каманда святкавала чэмпіёнства ў раённым футбольным турніры.
Не было ў калектыва праблем і з рэзервам – юнае пакаленне футбалістаў рыхтавалася ў мясцовай школе, адзначаў тагачасны фотакарэспандэнт раёнкі Іван Друк.
Фота разглядаў Арцём ГУСЕЎ.
Оставить комментарий