Петрыкаўшчына адсвяткавала Дзень Дзяржаўнага флага, Дзяржаўнага герба і Дзяржаўнага гімна Рэспублікі Беларусь ярка і маляўніча, аб’яднаўшы землякоў у патрыятычным парыве.
Масавы лёгкаатлетычны забег “У адзіным забегу пад флагам краіны” стартаваў на гарадской плошчы.
З прывітальным словам да ўдзельнікаў звярнулася намеснік старшыні райвыканкама Наталля Ходзька, якая павіншавала прысутных з дзяржаўным святам:
– Для беларусаў сімвалы краіны – гэта духоўная сіла народа, яго адзінства і здзяйсненні. Кожнае слова гімна, кожны элемент сцяга і герба раскрываюць нам жыццё беларусаў ад самых вытокаў да яркіх здзяйсненняў сённяшніх дзён. Сімволіка не толькі аб’ядноўвае, але і выступае крыніцай упэўненасці і ўнутранай сілы. Такія мерапрыемствы аб’ядноўваюць усе найлепшыя парывы. Жадаю ўдзельнікам забегу яркіх эмоцый і добрага настрою.
Правам узняць флаг Рэспублікі Беларусь былі ганараваны галоўны ўрач УАЗ «Петрыкаўская цэнтральная раённая бальніца», пераможца раённай спартакіяды 2025 – Яўгеній Лагвінец і трэнер-выкладчык установы “Дзіцяча-юнацкая спартыўная школы Петрыкаўскага раёна”, уладальнік ганаровага звання “Лепшы па прафесіі” за 2025 год Аляксандр Нікіцюк.
Пасля выступлення навучэнцаў Капцэвіцкай і Конкавіцкай сярэдніх школ, танцавальнага калектыву “АкваМарын” Петрыкаўскага раённага цэнтра творчасці дзяцей і моладзі – Пераможцаў ІІІ Рэспубліканскага агляду-конкурсу “Сэрцам адданыя роднай зямлі”, прысвечанага галоўным сімвалам краіны, калона ўдзельнікаў рушыла па вызначаным маршруце.
Дзеці і дарослыя былі адзінай камандай, якая рухалася да агульнай мэты, разам пераадольваючы дыстанцыю. Фінішавалі ўсе без выключэння. Спадарожнікамі свята сталі добры настрой, усмешкі і пачуццё сапраўднага адзінства.
Марыя ТАМКО, фота аўтара.
Оставить комментарий