Новы працоўны тыдзень у калектыве рэдакцыі пачаўся з прыемнай падзеі: галоўны бухгалтар установы Надзея Мікалаеўна Траяноўская адзначае прафесійны юбілей — 50 гадоў працы ў раёнцы!
Словы віншавання нашаму юбіляру адрасавалі: дэпутат Палаты прадстаўнікоў Нацыянальнага сходу Рэспублікі Беларусь Святлана Сянько, рэдактар установы «Рэдакцыя газеты «Петрыкаўскія навіны» Галіна Казак, прафсаюзны лідар — Таццяна Булачава і ўсе без выключэння калегі.
Святлана Уладзіміраўна падзякавала Надзею Мікалаеўну за шматгадовую добрасумленную працу, адзначыўшы, што 50 гадоў на адным месцы — паказчык адданасці роднай установе.
Парламентарый уручыла Ганаровую грамату ад раённага Савета дэпутатаў і пажадала здароўя, сямейнага дабрабыту, плённай працы, яшчэ доўгага веку ў прафесіі.
