Да дабрачыннай акцыі «Збяры партфель першакласніку» далучыўся калектыў Петрыкаўскі РГС

Газавікі ўручылі партфель першакласніцы Вераніцы, якая выхоўваецца ў прыёмнай сям’і і сёлета пойдзе ў першы клас Пціцкай сярэдняй школы.

Для маленькай Веранікі гэты дзень стаў сапраўдным святам. Кіраўнік прадпрыемства Аляксандр Блінец уручыў дзяўчынцы яе першы ў жыцці школьны партфель — яркі, прыгожы і цалкам укамплектаваны ўсім неабходным для творчасці і навукі.

А каб школьныя будні былі яшчэ больш цікавымі, прафсаюзная арганізацыя падарыла дзяўчынцы брэндыраваную прадукцыю. Цяпер у Веранікі ёсць уласны стыльны набор ад газавікоў!

Аляксандр Блінец шчыра пажадаў будучай вучаніцы лёгкай і захапляльнай дарогі ў свет ведаў, верных сяброў і толькі выдатных адзнак.

Няхай наш партфель стане для дзяўчынкі добрым і паспяховым стартам у вялікае школьнае жыццё!Дабрыня і клопат — гэта тое, што робіць нашых дзяцей шчаслівымі, — пазначыў Аляксандр Мікалаевіч.