Снежань – час добрых спраў і падарункаў, святочных сюрпрызаў. 18 снежня старшыня Петрыкаўскай РАС “ДТСААФ” Аляксандр Рудзько і галоўны бухгалтар Святлана Васілевіч наведалі ДУА «Петрыкаўская спецыяльная школа-інтэрнат для дзяцей з цяжкімі парушэннямі маўлення, цяжкасцямі ў навучанні» з цудоўнымі і карыснымі падарункамі, сярод якіх былі канцылярскія прыналежнасці, кнігі, наборы для творчасці ў рамках дабрачыннай акцыі “ДТСААФ дзецям”. Старшыня расказаў дзецям пра дзейнасць арганізацыі, пра магчымасці, якія яна адкрывае для хлопчыкаў і дзяўчынак у будучыні. Падзякай былі шчырыя ўсмешкі дзяцей, якія з задавальненнем прынялі падарункі. 
Оставить комментарий