Гомельская вобласць дала старт унікальнаму конкурсу для маладых журналістаў і блогераў, які абяцае стаць сапраўднай пляцоўкай для выяўлення і падтрымкі юных талентаў V абласны конкурс для маладых журналістаў і блогераў будзе праходзіць у некалькі этапаў і зараз актыўна ідзе прыём заявак на раённы этап.
Удзельнікамі могуць стаць юныя журналісты ва ўзросце ад 14 да 18 гадоў, якія ўжо маюць досвед публікацый і рэпартажаў у сродках масавай інфармацыі. Асаблівая ўвага надаецца членам клубаў і аб’яднанняў юных журналістаў, якія прадэманстравалі свае здольнасці і актыўнасць у гэтым накірунку.
Рэдакцыя раённага выдання запрашае ўсіх таленавітых юнакоў і дзяўчат Петрыкаўшчыны далучыцца да гэтага знакавага конкурсу. Не сакрэт, што Петрыкаўшчына багата на журналісцкія таленты сярод моладзі, і гэты конкурс – выдатная магчымасць заявіць пра сябе.
Так, за апошнія гады на знакавыя мерапрыемствы абласнога і рэспублканскага маштабу былі запрошаны нашы юнкары Паліна Глушко, Андрэй Раўкоўскі, Марыя Валенцейчык з Бабуніцкай сярэдняй школы, Леанід Вішнякоў з Мышанскай сярэдняй школы, Ягор Кончыц з Ляскавічскай сярэдняй школы, Анастасія Кудравец з Пціцкай сярэдняй школы, Дзяніс Бычкоўскі, Паліна Невяроўская з Конкавіцкай сярэдняй школы.
Юныя таленты трапілі ў спіс запрошаных дзякуючы сваім дасягненням у журналістыцы і блогерстве. Асабліва прыемна адзначыць, што Паліна Глушко і Марыя Валенцейчык у свой час атрымалі дыпломы пераможцаў на пляцоўцы тэлерадыёкампаніі “Гомель”, што сведчыць пра высокі ўзроўнь майстэрства нашых юнкараў і іх педагогаў.
Паважанныя сябры, з умовамі конкурсу можна азнаёміцца па ссылцы https://petrikov.by/vnimanie-yunkoram/. Чакаем вашы работы на электроны адрас info@petrikov.by.
Журналістыка і блогерства – сферы, якія не ведаюць межаў. Гэты конкурс – выдатны шанец развіць свае навыкі і знайсці сваё месца ў свеце медыя.
Оставить комментарий