Сёння на Петрыкаўшчыне, як і ва ўсіх рэгіёнах рэспублікі, прайшоў адзіны дзень інфармавання. Інфармацыйна-прапагандысцкая група старшыні райвыканкама сустрэлася з жыхарамі аграгарадка Грабаў.
Галоўнай тэмай дыялогу стала маладзёжная палітыка дзяржавы на сучасным этапе.
З інфармацыяй выступіла начальнік аддзела ідэалагічнай работы і па справах молодзі Святлана Блінец.
Моладзь, як адзначыла галоўны ідэолаг раёна, гэта кожны пяты грамадзянін Беларусі, магутны стратэгічны рэсурс краіны. Развіццё патэнцыялу юнага пакалення – адзін з прыярытэтаў дзяржаўнай маладзёжнай палітыкі сёння. Ініцыятыўныя і энергічныя маладыя беларусы могуць сябе рэалізаваць на вытворчасці і ў палітыцы, у бізнесе і ў навуцы, у адукацыі і дзяржкіраванні. Менавіта ад новага пакалення зусім хутка будзе залежаць дынаміка развіцця грамадства.
Размова ішла аб створаных дзяржавай умовах для ўсебаковага развіцця маладога пакалення. Што да Петрыкаўшчыны, то для стварэння ўмоў актыўнага і эфектыўнага ўключэння моладзі ў сацыяльна-эканамічнае жыццё раёна сёння робіцца ўсё неабходнае.
Святлана Блінец вылучыла тры напрамкі дзяржаўнай маладзёжнай палітыкі: забеспячэнне якаснай і даступнай і адукацыі, садзейнічанне ў рэалізацыі права на працу і падтрымку маладых сем’яў, грамадзянска-патрыятычнае выхаванне.
Падводзячы вынік сказанаму, старшыня райвыканкама Аляксандр Верамееў падкрэсліў, што моладдзю трэба займацца, і тады мы будзем спакойныя за нашу будучыню, будучыню нашай краіны.
Таксама ў ходзе сустрэчы былі разгледжаны многія іншыя актуальныя пытанні.
Так, жыхароў аграгарадка непакоіць стан дарожнага пакрыцця на цэнтральнай вуліцы. Кіраўнік раёна запэўніў, што ў наступным годзе праблема будзе закрыта. Бацькоў школьнікаў хвалявала пытанне арганізацыі падвозу дзяцей ва ўстановы адукацыі. Дзякавалі землякі за якаснае медыцынскае абслугоўванне, за ўвагу да іх жыццёвых клопатаў.
