На мінулым тыдні мы завіталі ў лесагадавальнік Петрыкаўскага лясгасу з нагоды стартаваўшага месячніку навядзення парадку на зямлі і добраўпарадкавання населеных пунктаў Петрыкаўшчыны.
На ўездзе да аб’екту, дзе даюць жыццё маладым дрэўцам клапатлівыя працаўнікі лесаахоўнай службы, спецыяліста інспекцыі прыродных рэсурсаў і аховы навакольнага асяроддзя Алега Багамазава і старшыню раённай грамадскай арганізацыі “Беларускі саюз жанчын” Галіну Казак сустракаў галоўны ляснічы Петрыкаўскага лясгасу Дзяніс Макарэцкі.
Алег Валер’евіч адзначыў, што сёлета на Петрыкаўшчыне традыцыйна пройдзе шэраг мерапрыемстваў па ўборцы смецця, закладцы алей, аднаўленні пасадак у месцах, дзе дрэвы не прыжыліся, навядзенні парадку на дваровых і падведамасных тэрыторыях горада і сельскіх населеных пунктаў. Да ўдзелу запрашаюцца ўсе неабыякавыя грамадзяне, працоўныя калектывы, актывісты маладзёжных арганізацый і грамадскіх аб’яднанняў. У другой палове кастрычніка плануецца высадка дрэў на вуліцах горада сумесна з камунальнай службай. Таксама комплексныя экалагічныя мерапрыемствы пройдуць і ў блізляжачых сельскіх саветах.
Выбіраючы саджанцы, якія літаральна днямі будуць высаджаны на Петрыкаўшчыне, Дзяніс Эдуардавіч дадаў, што запрашае ўсіх зацікаўленых захаваць і памножыць нашую прыродную спадчыну, прыняўшы ўдзел у акцыі “Дай лесу новае жыццё”, якая стартавала ў краіне з 12 кастрычніка і мае на мэце не толькі аднаўленне ляснога фонду, які пацярпеў ад ліпеньскага ўраганнага ветру, але і ажыццяўленне традыцыйных планавых пасадак лесу. Для гэтага ў лесагадавальніку ўжо падрыхтаваныя саджанцы хвоі і бярозы, якія будуць высаджвацца ў суадносінах 7:3.
Арцём ГУСЕЎ.
Фота аўтара.
Оставить комментарий