Захавальнікі вялікіх традыцый і сапраўдныя творцы.

Урачыстае мерапрыемства з нагоды Дня настаўніка яскрава прайшло на Петрыкаўшчыне. У мінулую пятніцу на сцэне раённага Дома культуры педагогі раёна прымалі ў свой адрас словы ўдзячнасці за сваю штодзённую карпатлівую працу.

Цырымонію віншавання і ўзнагароджання адкрыў старшыня Петрыкаўскага райвыканкама Аляксандр Верамееў. Кіраўнік раёна цёпла і шчыра павіншаваў работнікаў сістэмы адукацыі раёна з прафесійным святам, адзначыўшы: усе педагогі заслугоўваюць самых добрых слоў падзякі і ўдзячнасці за імкненне дапамагчы кожнаму дзіцяці стаць у будучым сапраўдным чалавекам, прафесіяналам сваёй справы, адказным грамадзянінам, шчырым патрыётам сваёй Радзімы. Пад апладысменты зала Ганаровая грамата Петрыкаўскага райвыканкама была ўручана настаўніку Смятаніцкай школы Паўлу Шэлесту, Удзячнасць за падрыхтоўку ўстаноў адукацыі да новага навучальнага года – кіраўнікам Капцэвіцкай сярэдняй школы і гімназіі горада Петрыкава Валерыю Такуну і Людміле Хільман. Граматай Міністэрства адукацыі Рэспублікі Беларусь за добрасумленную працу і дасягнутыя поспехі ў навучанні і выхаванні падрастаючага пакалення ўзнагароджаны настаўнік і намеснік дырэктара гімназіі горада Петрыкава Марыя Туравец і Ганна Урбанчык, намеснік дырэктара  першай гарадской школы Ірына Чычыкайла.

Эстафету віншавання працягнуў старшыня Петрыкаўскага раённага Савета дэпутаў Віталій Пілер. Ганаровай граматай раённага Савета дэпутаў былі ганараваны настаўнікі раённага цэнтра карэкцыйна-развіваючага навучання і рэабілітацыі і Мышанскай сярэдняй школы Валянціна Палхоўская і Святлана Плікус. Удзячнасць за падрыхтоўку ўстаноў да новага навучальнага года атрымалі загадчыкі Навасёлкаўскага і гарадскога дзіцячага садка №7 Іна Макарэцкая і Галіна Каса.

У час урачыстасці слова для прывітальнага адрасу ад дэпутата Палаты прадстаўнікоў Рэспублікі Беларусь Святланы Сянько было прадстаўлена памочніку дэпутата Вользе Усціновіч-Насека.  “Паважаныя педагогі, ветэраны педагагічнай працы! Дзякуй вам за вернасць прызванню, добрае і ўважлівае стаўленне да юнага пакалення, высокі прафесіяналізм і захаванне лепшых традыцый айчыннай адукацыі. Пераканана, вы зробіце ўсё, каб прынцып “школа – гэта храм, а педагог – святое” стаў галоўным арыенцірам для кожнага – вучняў, бацькоў, настаўнікаў”, – адзначалася ў пасланні.

Педагагічная праца патрабуе поўнай самааддачы, прафесійнага майстэрства, творчага падыходу, эрудыцыі, невычэрпнай энергіі, любові да дзяцей і сваёй справы. Калі ўсё гэта ёсць, то кожны ўрок становіцца для настаўніка і вучняў доўгачаканым святам – у гэтым пераканана намеснік старшыні райвыканкама Наталля Ходзька. Куратар сацыяльнай сферы пажадала з высокай трыбуны вялікай педагагічнай сям’і Петрыкаўшчыны шчасця і дабрабыту. Ганаровай граматай галоўнага ўпраўлення адукацыі Гомельскага аблвыканкама былі ўзнагароджаны загадчык раённага вучэбна-метадычнага кабінета Марына Кульба, настаўнікі Мышанскай школы Таццяна Васілец, Капаткевіцкай – Алена Герасіменка, гімназіі – Вольга Жукавец і Валянціна Стрэйзман, дашкольнага цэнтра развіцця дзіцяці – Таццяна Заяц, другой гарадской школы – Ігар Ліпскі,  Наталля Несцярчук, Ганна Фралова, раённага цэнтра творчасці дзяцей і моладзі – Марына Масло, дзіцячага садка №3 – Маргарыта Міхеева, Бабуніцкай школы –  Валянціна Некрашэвіч.

Каб самыя запаветныя жаданні сталі рэальнасцю, а справа, якой педагогі аддаюць душэўныя сілы, вопыт і веды, прыносілі радасць, задавальненне і жаданне ісці да новых прафесійных вышынь – жадалі прысутным начальнік аддзела адукацыі Петрыкаўскага райвыканкама Людміла Жукавец, старшыня раённай арганізацыі прафесійнага саюза работнікаў адукацыі і навукі Тамара Басюк. Ганаровымі граматамі аддзела адукацыі Петрыкаўскага райвыканкама і раённага камітэта прафсаюза ўзнагароджаны Наталля Астаф’ева, Юлія Бужан – Пціцкая школа, Жанна Бакун – Капаткевіцкі дзіцячы сад, Віктар Герасіменка – Колкаўская школа, Алена Дзербень – Галубіцкая школа, Дзіна Кісялёва, Іна Мікалаева – спецыяльнае прафесійнае-тэхнічнае вучылішча закрытага тыпу, Валянціна Купрацэвіч – цэнтр карэкцыйна-развіваючага навучання і рэабілітацыі, Марына Пінчук – Муляраўская школа, Марына Сітніца – Смятаніцкая школа, Алена Слязь – раённы вучэбна-метадычны кабінет, Людміла Харланава – Капаткевіцкі дзіцячы сад, Таццяна Шурпач – Чалюшчавіцкая школа, Яніна Яцка – дзіцячы сад № 7.

Ганаровай граматай Гомельскага абласнога камітэта Прафсаюза за развіццё сацыяльнага партнёрства і садзейнічанне прафсаюзу ў рэалізацыі праграм яго дзейнасці ўзнагароджаны настаўнік Лучыцкай школы Надея Азёмша, намеснік дырэктара Капцэвіцкай школы – Аксана Брызіцкая, дырэктар Конкавіцкай школы Ларыса Бычкоўская. Падзякай узнагаро-джаны настаўнік Галубіцкай школы Дзяніс Аляксандраў.

У час святочнай урачыстасці для ўручэння ўзнагароды ў намінацыі “Педагог – не званне, педагог прызванне” на сцэну былі запрошаны загадчык Петрыкаўскім раённым вучэбна-метадычным кабінетам Марына Кульба і пераможца конкурсу маладых педагогаў, выхавацель ДУА “Дзіцячы сад №7 г. Петрыкава” Вікторыя Глушко; начанік аддзела адукацыі Людміла Жукавец для ўручэння ўзнагароды “Знак якасці” і дырэктар ДУА “Гімназія горада Петрыкава” Людміла Хільман.

Букет ўзнагарод быў аздоблены творчымі нумарамі педагогаў Петрыкаўшчыны і вучняў гарадскіх устаноў. Вакальныя і танцавальныя падарункі прынеслі прысутным асалоду і незабыўныя ўражанні, даравалі святочныя эмоцыі. Кожны выхад  быў таленавіты, яркі, феерычны і незабыўны.

Святлана СОБАЛЕВА, фота аўтара.