У межах дабрачыннай акцыі “Партыя – дзецям” члены Петрыкаўскага раённага аддзялення Гомельскай вобласці Беларускай партыі “Белая Русь” завіталі з падарункамі ў дзіцячае аддзяленне цэнтральнай раённай бальніцы.
Старшыня райаддзялення Мікалай Семяніцкі перадаў загадчыку аддзялення цацкі для дзетак, якія знаходзяцца на лячэнні ў ЦРБ.
Дзякуючы актыўнай грамадзянскай пазіцыі членаў партыі, гульнявы пакой сустрэне сваіх наведвальнікаў новымі канструктарамі і спартыўным інвентаром. Мікалай Уладзіміравіч выказаў упэўненасць, што выздараўленне маленькіх пацыентаў ЦРБ павінна пайсці хутчэй, чаго ўсе партыйцы ім шчыра і жадаюць.
Дэпутат Палаты прадстаўнікоў Нацыянальнага сходу Рэспублікі Беларусь Святлана Сянько і іншыя партыйцы далучыліся да пажаданняў хуткага выздараўлення.
Дамовіліся, што раённае аддзяленне партыі і надалей будзе аказваць дапамогу і падтрымку дзіцячаму аддзяленню райбальніцы.
Галіна КАЗАК,
фота аўтара.
Оставить комментарий