Сёння на базе гімназіі горада Петрыкава прайшоў раённы этап рэспубліканскай ваенна-патрыятычнай гульні «Арлёнак». 7 каманд з устаноў адукацыі раёна змагаліся за прызавое месца.
Кожнай камандзе трэба было прайсці 6 спаборніцкіх этапаў. Дзеці паказалі сябе ў аглядзе строю і песні, у інтэлектуальным квізе, у зборцы і разборцы аўтамата, кіданні гранат, у выкананні спартыўнага комплексу, у творчым конкурсе па стварэнні баявога лістка. Усе каманды дружна, на пазітыве, справіліся з усімі заданнямі, але перамаглі мацнейшыя.
Агучым вынікі спаборніцтваў. Першае месца ў агульнакамандным заліку святкавала каманда гімназіі горада Петрыкава. На другім месцы — каманда сярэдняй школы № 1. Трэцяе месца ў падлеткаў з сярэдняй школы № 2.
Оставить комментарий