Вуліца Валадарскага ў апошні час фігурыруе ў крытычных артыкулах журналістаў.
Не так даўно на старонках газеты падымаліся факты доўгачасовага складзіравання на прыдамавых тэрыторыях прыватных домаўладанняў будаўнічых матэрыялаў, і зноў выяўлена недарэчнасць. Праўда, парушэнні на гэты раз адрасуем мясцовым службам.
Не даязджаючы да штучнай няроўнасці, якая ўсталявана перад скрыжаваннем дарог, вывешаны знак абмяжавання хуткасці. Ён ужо доўгі час развернуты і “паглядае” зусім у другі бок. А дарожныя знакі, як вядома, прызваны арганізаваць бяспечны рух пешаходаў і транспартных сродкаў. Бо так і да бяды недалёка, не гаворачы ўжо пра парадак.
Спадзяемся, што дадзены факт атрымае належную ўвагу і забяспечыць камфортныя моманты кіроўцам і пешаходам.
Святлана Собалева,
фота аўтара.
Оставить комментарий