На палетках паблізу вёскі Людзвіноў кіраўніцтва раёна і гаспадаркі, лідары галіновага і раённага прафсаюза аддалі даніну павагі, уручылі падарункі і кветкі аднаму з лепшых механізатараў сельгаспрадпрыемства, штогадоваму лідару жніва- камбайнеру Дзмітрыю Качэлю.
Старшыня райвыканкама Аляксандр Верамееў, звяртаючыся да механізатараў і работнікаў ААТ «Курыцічы», адзначыў:
«Пачэсная і нялёгкая праца хлебароба. З ранку і да позняга вечары вы спачатку закладваеце падмурак будучага ўраджаю, пасля клапоціцеся пра яго, шчыра абрабляючы палеткі, і, нарэшце, падводзячы вынік шматмесячнай працы, збіраеце. А ён дзякуе вам за крапатлівую працу і радуе высокімі цэнтнерамі намалоту.
Дзмітрый Васільевіч, прыміце нашы шчырыя віншаванні і словы падзякі за вашу выніковую працу. Жадаем і надалей мець высокія паказчыкі. Няхай не падводзіць тэхніка, падтрымлівае кіраўніцтва і сям’я»
Да віншаванняў далучыліся кіраўнік гаспадаркі, галіновы прафсаюз і работнікі культуры.
Оставить комментарий