У Петрыкаўскім раёне вызначаны месцы, забароненыя для правядзення пікетавання з мэтай збору подпісаў выбаршчыкаў.
На падставе часткі чатырнаццатай артыкула 61 Выбарчага кодэкса Рэспублікі Беларусь ад 13 лютага 2000 года № 370-З Петрыкаўскі раённы выканаўчы камітэт РАШЫЎ:
Вызначыць на тэрыторыі Петрыкаўскага раёна наступныя месцы, забароненыя для правядзення пікетавання з мэтай збору подпісаў выбаршчыкаў па вылучэнні кандыдатаў у Прэзідэнты Рэспублікі Беларусь:
– на адлегласці менш за 50 метраў ад будынкаў Петрыкаўскага раённага выканаўчага камітэта (далей – райвыканкам), сельскіх выканаўчых камітэтаў, суда Петрыкаўскага раёна, пракуратуры Петрыкаўскага раёна, аддзела ўнутраных спраў райвыканкама, Петрыкаўскага раённага ваеннага камісарыята, аб’ектаў дзяржаўнага прадпрыемства “Петрыкаўскі райжылкамгас”, ад тэрыторыі Петрыкаўскага горна-абагачальнага камбіната адкрытага акцыянернага таварыства “Беларуськалій”, устаноў адукацыі;
– на адлегласці менш за 100 метраў ад будынкаў установы аховы здароўя “Петрыкаўская цэнтральная раённая бальніца”;
– аб’екты чыгуначнага транспарту (чыгуначная станцыя Капцэвічы, чыгуначная станцыя Муляраўка, чыгуначная станцыя Пціч, чыгуначная станцыя Мышанка);
– масты і пуцеправоды, размешчаныя на тэрыторыі Петрыкаўскага раёна;
– прыпынкі грамадскага транспарту.
Галіна КАЗАК, па матэрыялах райвыканкама.
Оставить комментарий