Сёння ў Петрыкаўскай цэнтральнай раённай бібліятэцы адбылася дыялогавая пляцоўка на тэму: «Правы і абавязкі ў сучасным свеце»

У мерапрыемстве прынялі ўдзел і падзяліліся сваім вопытам спецыялісты:

Вольга Усціновіч-Насека, намеснік старшыні камісіі па справах непаўналетніх. Вольга Уладзіміраўна падрабязна расказала аб юрыдычнай адказнасці непаўналетніх, растлумачыла асноўныя палажэнні заканадаўства і перасцерагла ад магчымых правапарушэнняў.

Святлана Занкевіч, намеснік дырэктара па вучэбна-вытворчай рабоце Петрыкаўскага СПТВ №1. У час гутаркі спікер асвятліла правы і абавязкі вучняў у адукацыйным працэсе, а таксама асаблівасці іх рэалізацыі ва ўмовах закрытай установы.

Алена Перарэжка, урач-псіхіятр-нарколаг. Урач прадаставіла актуальную інфармацыю аб важнасці ўсвядомленага падыходу да свайго здароўя, прафілактыцы залежнасцяў і сур’ёзных наступствах згубных звычак для жыцця і будучыні.

У ходзе мерапрыемства, для актывацыі ведаў і ўцягвання аўдыторыі, было праведзена бліц-апытанне па прававой граматнасці.

Дзеці паспяхова адказвалі на пытанні, прадэманстраваўшы нядрэннае веданне сваіх правоў і абавязкаў, што стала выдатнай асновай для далейшага, больш глыбокага абмеркавання.

Удзельнікі актыўна ўключаліся ў дыскусію, задавалі пытанні і атрымалі карысныя веды аб сваіх правах і абавязках, а таксама аб механізмах іх абароны ў паўсядзённым жыцці.