Сёння на базе Капаткевіцкай сярэдняй школы, Петрыкаўскага лясгасу праходзіць выязны семінар «Ідэалагічная работа ў кантэксце гістарычнай памяці. Рэалізацыя грамадзянскіх ініцыятыў у Петрыкаўскім раёне. Развіццё турыстычных маршрутаў Петрыкаўшчыны».
Удзельнікі семінара: намеснікі кіраўнікоў прадпрыемстваў, арганізацый па ідэалагічнай рабоце і асобы, якія знаходзяцца ў рэзерве кадраў на дадзеныя пасады. Адкрыла мерапрыемства начальнік аддзела ідэалогіі і па справах моладзі райвыканкама Святлана Блінец Святлана Міхайлаўна падкрэсліла асаблівую значнасць сённяшняй сустрэчы. Ідэалагічная работа ў кантэксце гістарычнай памяці з’яўляецца краевугольным каменем фарміравання грамадзянскай свядомасці і патрыятызму. Начальнік аддзела звярнула ўвагу і на тое, што рэалізацыя грамадзянскіх ініцыятыў у Петрыкаўскім раёне адкрывае новыя магчымасці для актыўнага ўдзелу ў жыцці сваёй мясцовасці, а багатая прырода, гістарычныя аб’екты і культурныя традыцыі рэгіёну ствараюць выдатны патэнцыял для прыцягнення турыстаў.
Падчас правядзення выязнога семінара, у якім бярэ ўдзел ідэалагічны склад Петрыкаўшчыны, удзельнікі пазнаёміліся з мерапрыемствамі, якія праводзіліся на тэрыторыі Капаткевіцкага сельвыканкама ў рамках Году добраўпарадкавання. Дырэктар Капаткевіцкай сярэдняй школы выступіла па тэме «Рэалізацыя грамадзянскіх ініцыятыў». Для ўдзельнікаў была арганізавана экскурсія ў школьны музей «Генацыд беларускага народа». Важна адзначыць, што адкрыццё музея стала магчымым дзякуючы рэалізацыі грамадскай ініцыятывы, падтрыманай абласным Саветам дэпутатаў. У час наведвання супрацоўнік рэдакцыі «ПН» перадала ўстанове адукацыі кнігу «Аднагодкі Перамогі», героямі якой сталі жыхары Гомельшчыны, народжаныя ў пераможным маі 1945 года. Рэдакцыя газеты прыняла ўдзел у праекце. Вынікам працы калектыву, у абласное выданне ўвайшла гісторыя нашай зямлячі Кацярыны Іванаўны Ліцвін. Пры ўдзеле райарганізацыі «Беларускі Саюз жанчын» былі набытыя такія важныя для жыхароў раёна выданні.
Оставить комментарий