Сёння дэпутат Палаты прадстаўнікоў Нацыянальнага сходу Рэспублікі Беларусь Святлана Сянько працуе ў Камаровіцкім сельскім Савеце

Першы пункт у рабочым плане парламентарыя – наведванне МТК «Камаровічы». Святлана Уладзіміраўна азнаёмілася з бягучым станам спраў на сельгаспрадпрыемстве, абмяркавала з дырэктарам ААТ «Навасёлкі» актуальныя пытанні развіцця галіны, падтрымала працаўнікоў, якія штодзённа ўносяць свой уклад у забеспячэнне харчовай бяспекі краіны. Сустрэча прайшла ў канструктыўнай атмасферы. Дэпутат змагла на месцы ацаніць маштабы вытворчасці і ўмовы працы на малочна-таварным комплексе. Прадстаўнік улады падкрэсліла важнасць сельскай гаспадаркі для эканомікі краіны, выказала падзяку працаўнікам за іх адданую працу, адказнасць і прафесіяналізм.