Дэпутат Палаты прадстаўнікоў Нацыянальнага сходу Рэспублікі Беларусь Святлана Сянько ў час свайго візіту на Петрыкаўшчыну правяла прыём грамадзян на базе Камаровіцкага сельвыканкама.
Пытанні, якія хвалявалі вяскоўцаў, тычыліся стану дарог, асвятлення вуліц, прыватызацыі жылля, камфортных умоў у чаканні аўталаўкі, транспартнага паведамлення з абласным цэнтрам, прадастаўлення арэнднага жылля. Усё агучанае ўзята на кантроль.
Таксама Святлана Уладзіміраўна правяла сустрэчу з насельніцтвам Камаровіч. Асноўная тэма, вынесеная на абмеркаванне: Кібербяспека і прафілактыка кіберзлачыннасці.
Дэпутат падзялілася інфармацыяй пра кібератакі на інфармацыйную структуру. Было адзначана, што дадзеныя дзеянні ператварыліся ў адну са стратэгічных пагроз нацыянальнай, эканамічнай і грамадскай бяспекі любой краіны. У Беларусі прыняты шэраг сістэмных мер у барацьбе з кіберпагрозамі. Прыняты Указ Прэзідэнта РБ “Аб кібербяспецы”, Закон “Аб абароне персанальных даных”, арганізацыі і прадпрыемствы інвестуюць у кібербяспеку і навучанне супрацоўнікаў.
Святлана Уладзіміраўна адзначыла, што на індывідуальным узроўні патрабуецца павышэнне лічбавай пісьменнасці насельніцтва, выкананне элементарных правілаў лічбавай гігіены.
Оставить комментарий