Інспекцыя прыродных рэсурсаў і аховы навакольнага асяроддзя разам з работнікамі Петрыкаўскага камунгаса і навучэнцамі другой гарадской школы далучыліся да высакараднай справы азелянення малой радзімы.
Так, за час спякотнага лета пэўная колькасць зялёных насаджэнняў, асабліва дэкаратыўных дрэў і кустоў, загінула, таму на іх месцы гэтай восенню з’яўляюцца новыя.
У час акцыі было высаджана больш за 20-ць дрэўцаў ліпы на алеі каля дарогі Петрыкаў — Ляскавічы.
Гэтыя прыгожыя дрэўцы будуць цешыць вока не толькі вадзіцелям, але і ўсім жыхарам і гасцям райцэнтра.
Землякі, далучайцеся да акцыі, разам мы зможам не толькі захаваць прыроду роднага краю, але і палепшыць экалагічную сітуацыю. А гэта, пагадзіцеся, немалаважна!
Оставить комментарий