Раённыя арганізацыі далучыліся да ўшанавання лідараў жніва

Не засталіся ўбаку сённяшняга мерапрыемства па ўшанаванню лідараў жніва на палетку СУП «Палессе-Аграінвест” і прадстаўнікі раённых грамадскіх арганізацый і партый. Намеснікі старшынь раённага аддзялення Гомельскай вобласці Беларускай партыі “Белая Русь”, раённай грамадскай арганізацыі “Беларускі саюз жанчын” Алена Пастухова і Вольга Усціновіч-Насека, галоўны спецыяліст раённай арганізацыі ГА “БРСМ” Марына Лук’янава павіншавалі хлебаробаў і ўручылі памятныя падарункі. Падарункі, песні ад артыстаў, апладысменты ад ганаровых гасцей сталі выдатнай узнагародай для герояў дня.