На гэтым тыдні на беларуска-польскай мяжы польскім бокам уведзены стопрацэнтны кантроль грузавога транспарту, які ўязджаў, што чарговы раз прывяло да значнага падзення прапускной здольнасці.
Па заяве генеральнага дырэктара “Белмытсэрвісу” Дзмітрыя Кавалёнка, нягледзячы на адноўленую працаздольнасць мяжы, аб’ём трафіку істотна ніжэйшы за нарматывы. Натуральна, гэта прыводзіць да чэргаў і доўгага часу чакання, які на сённяшні дзень ужо дасягае 7-10 сутак. Кавалёнак адзначыў, што такі падыход, на яго думку, не адпавядае рэальнай сітуацыі і пагаршае становішча міжнародных перавозчыкаў, якія дастаўляюць тавары з Кітая, Казахстана і іншых краін у Еўропу. Сапраўды, сляпое і безразважнае жаданне польскай улады трымаць сітуацыю на “сваім жорсткім кантролі”, кіраваць рухам людзей і машын чарговы раз прывяло да абсурднай сітуацыі, заложнікамі якой на гэты раз сталі міжнародныя перавозчыкі.
Дзеянні польскіх улад таксама падвергліся рэзкай крытыцы з боку Еўразійскай эканамічнай камісіі, дзе такі падыход назвалі архаічным і парушаючым міжнародныя канвенцыі. Член Калегіі ЕЭК Руслан Давыдаў ахарактарызаваў 100-працэнтны фізічны кантроль як “жудасную архаіку”, параўнаўшы яго з практыкай пачатку 1990-х гадоў. Ён падкрэсліў, што сучасныя міжнародныя пагадненні, у тым ліку Кіёцкая канвенцыя, заклікаюць да адмовы ад фізічнага кантролю на карысць новых тэхналогій. Па словах прадстаўніка Еўразійскай эканамічнай камісіі, Польшча парушае ўзятыя на сябе міжнародныя абавязацельствы, дзейнічаючы насуперак нормам Сусветнай мытнай арганізацыі і пагадненням СГА па спрашчэнні гандлёвых працэдур.
Галіна КАЗАК.
Оставить комментарий