Дзяржаўны абвінаваўца Наталля Сакалова папрасіла Вярхоўны суд Беларусі прызнаць карніка Аляксандра Ярмольчыка вінаватым у генацыдзе беларускага народа.
Аляксандр Ярмольчык з восені 1941 па 1943 год знаходзіўся на тэрыторыі БССР.
З’яўляючыся ўдзельнікам, а затым і кіраўніком Хойніцкага падраздзялення дапаможнай паліцыі, Аляксандр Ярмольчык пазбавіў жыцця не менш за 247 чалавек, уключаючы каля 37 дзяцей, а таксама замахваўся на пазбаўленне жыцця яшчэ па меншай меры 8-мі чалавек.
У 1950-х ён узяў імя Альберт Кругер, збег у ФРГ і атрымаў нямецкае грамадзянства. Пражываў у горадзе Целле. У 1970-х гадах у ФРГ ужо пачалася справа ў дачыненні да яго, але яна нічым не скончылася: Ярмольчык у 1984 годзе памёр, не панёсшы пакарання за злачынствы.
Ідэя, што некаторыя злачынствы не павінны мець тэрміну даўнасці, не з’яўляецца новай. Міжнароднае права, у прыватнасці, прызнае, што генацыд мірнага насельніцтва з’яўляецца настолькі цяжкімі і непрымальным злачынствам, што яго расследаванне і пакаранне павінна быць незалежна ад таго, колькі часу прайшло з моманту яго здзяйснення.
Прысуд памагатаму нацыстаў абвясцяць у Вярхоўным Судзе заўтра, 20 лістапада. Я ўпэўнена, справядлівасць возьме верх, і будзе прынята рашэнне, якое адпавядае прынцыпам правасуддзя. Прыцягненне да адказнасці за такія злачынствы з’яўляецца абавязкам перад будучымі пакаленнямі, каб падобныя жахі ніколі не паўтарыліся.
Святлана СОБАЛЕВА.
Оставить комментарий