Мітынг, прысвечаны 80-й гадавіне вызвалення Петрыкаўскага раёна ад нямецка-фашысцкіх захопнікаў, з у складаннем вянкоў, кветак да помніка воінам-вызваліцелям, прайшоў у раённым цэнтры. 

На ўрачысты мітынг, які адбыўся ў гарадскім парку каля помніка воінам-вызваліцелям, прыйшлі петрыкаўчане і госці райцэнтра, каб не толькі адзначыць урачыстую падзею, але і ўшанаваць памяць тых, хто здабыў для нас, нашчадкаў, мір і свабоду.

Са словамі віншаванняў выступілі  старшыня раённага Савета дэпутатаў Віталій ПІЛЕР, дэпутат Палаты прадстаўнікоў Нацыянальнага сходу Рэспублікі Беларусь Святлана СЯНЬКО, намеснік старшыні камітэта па працы, занятасці і сацыяльнай абароне Гомельскага абласнога выканаўчага камітэта Аляксандр СЕМІЁНАЎ.

Захоўваючы святую спадчыну салдат-вызваліцеляў, раённай арганізацыяй «Белая Русь» запушчаны праект «Дарогамі вызвалення Петрыкаўшчыны». Старшыня Петрыкаўскага сельскага Савета Андрэй Малашкевіч перадаў «Сцяг вызвалення» Віталію Пілеру як сімвал міру і стабільнасці на нашай роднай зямлі.

Падчас мітынгу старшыня Петрыкаўскага раённага Савета дэпутатаў Віталій Пілер перадаў “Знамя Перамогі” як сімвал святасці гістарычнай памяці і пераемнасці пакаленняў старшыні Жыткавіцкага раённага Савета дэпутатаў Леаніду Валатоўскаму.

Удзельнікі мітынгу ў маўклівай жалобе схілілі галовы ў час хвіліны маўчання, пасля чаго да падножжа помніка ўсклалі вянкі і кветкі, тым самым прадэманстраваўшы: памяць жывая – ніхто не забыты, нішто не забыта.

Далей святочныя мерапрыемствы перанесліся на пляцоўку гарадскога парка, дзе работнікі ўстаноў адукацыі, культуры, сельскіх Саветаў прадставілі розныя выставы, а творчыя калектывы выступалі з танцавальнымі і музычнымі нумарамі.