За парты ў Брынеўскай сярэдняй школе сёння сядуць 47 навучэнцаў, 4 з іх — першакласнікі.
З пачаткам новага навучальнага года хлопчыкаў і дзяўчынак, іх педагогаў і бацькоў прыехаў павіншаваць старшыня райвыканкама Аляксандр Верамееў:
— Віншую з Днём ведаў і пачаткам новага навучальнага года!
Хочацца пажадаць усім, хто сёння сядзе за парту, не марнаваць час дарма, выкарыстоўваць любую магчымасць для атрымання ведаў, не дазваляць ляноты і стомленасці пагасіць агеньчык дапытлівасці.
Стаўце перад сабой новыя мэты і абавязкова дасягайце іх!
Па завяршэнні ўрачыстай лінейкі навучэнцы Брынёўскай сярэдняй школы паспяшаліся ў класныя кабінеты, дзе іх чакаў першы ў гэтым навучальным годзе ўрок «Нам ёсць чым ганарыцца, нам ёсць што берагчы!»
Галіна КАЗАК, фота аўтара.
Оставить комментарий